នៅក្នុងខែមេសា និងឧសភានេះ API បានធ្វើយុទ្ធនាការការលើកកម្ពស់ការយល់ដឹងអំពីជំងឺកូវីដ ១៩ រួមគ្នា ជាមួយនឹងតំណាងយុវជន និងរដ្ឋបាលសង្កាត់ក្រាំងធ្នង់នៃខណ្ឌសែនសុខ រាជធានីភ្នំពេញ។ ការផ្ដួចផ្ដើមនេះធ្វើឡើង ដើម្បីបង្វែរចេញនូវផលប៉ះពាល់បណ្ដាលមកពីការឆ្លងរាតត្បាតក្នុងសហគមន៍ក្នុងប្រទេសកម្ពុជា ជាពិសេសក្នុងភូមិសាស្ត្ររាជធានីភ្នំពេញ ដែលវាជាផ្នែកមួយនៃគម្រោងរបស់យើងផ្ដោតសំខាន់ទៅលើការលើកកម្ពស់ការចូលរួមរបស់យុវជន ដែលទទួលបានការគាំទ្រពី UNICEF។ ការផ្ដួចផ្ដើមនានាដែលស្រដៀងគ្នានេះ ក៏ត្រូវបានធ្វើឡើងនៅក្នុងតំបន់គោលដៅផ្សេងៗទៀតនៃគម្រោងផងដែរ។
