នៅថ្ងៃទី ១ ខែមេសា ឆ្នាំ២០២១ ប្រធានកម្មវិធីជាន់ខ្ពស់របស់យើងគឺលោក ផាន ភ័ព្វបារមី បានចូលរួមក្នុងកម្មវិធីផ្សាយផ្ទាល់ការជជែកពិភាក្សាក្រោមប្រធានបទ សិទ្ធិទទួលព័ត៌មាន៖ លទ្ធភាព និងឧបសគ្គoandordquo; ដែលផ្សាយដោយមជ្ឈមណ្ឌលសិទ្ធិមនុស្សកម្ពុជា(CCHR) នៅលើទំព័រហ្វេសប៊ុករបស់អង្គការ និងដោយស្ថានីយ៍វិទ្យុរបស់ខ្លួន។ វាគ្មិនពីរនាក់ទៀត ដែលជាភ្ញៀវកិត្តិយសគឺឯកឧត្តម មាស សុភ័ណ្ឌ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន និងកញ្ញា ដុន ដានីតា ជានិស្សិតច្បាប់។ លោក ផាន ភ័ព្វបារមី បានសង្កត់ធ្ងន់លើតម្រូវការបន្ទាន់សម្រាប់ច្បាប់នៃសិទ្ធិទទួលព័ត៌មានដែលជាតម្រូវការចាំបាច់ ដោយគំនិតនេះទទួលបានការគាំទ្រដោយសង្គមស៊ីវិលភាគច្រើននៅកម្ពុជា។
